POESIE E DINTORNI

Chiande de fèmmene

Maledètte iè la uerre orrènne e tètre
ca sèmbe porte lendàne u amàte spose
né avàste a dessuadèrle la liscia pète
che l'epitàffie jìnde au mande erbòse

Maledètte so' l'àrme ca da sole
la lusce astùdene e pure la sperànze
ca u Munne da le Pole a l'Equatòre
iune asselùte iè da vive sènza tracotànze.

Maledìtti so' le vegliàcche mercànne d'arme
che all'ùmene neste nvendùre ndelligènde
oppònene solamènne violènze e ingànne
armànne iald'ùmene senz'aneme e mbotènde.

Maledètte iè la uerre ca vole mùrte
altruìsme, fedugge e tollerànze
baluàrde certe, secure passapùrte
pe cammenà u Munne che Sperànze.
Felice Alloggio.



--------------------------------------------------------------------------------

OMAGGIO A MAGGIO E SAN NICOLA
M A S C E !
di Vito Antonio Di Cagno

Tu masce, tu sì bedde !
Sì com’a ’na uagnedde,
Ca s’intolette e veste,
Percè jè ddì de feste
E vole chembarì
Au zite su chessì.

Ce va alla vì de fore,
Tu siende che n’addore
Te trase ind’a le sienze.
E tu te fierne e pienze:
Ce ccose e cuss’addore ?
De fiure jè u’ amore ?

E vite le chelure
De tutte chisse fiure,
U vverde de le chiande
Tengiute, ch’ è ’nu ’ncande.
Jè tutte n’armenì
Stu masce neste, sì !

E ’nganne a mare pure
A morre pezcature.
Le pecceninne fore
U sole è tutte u lore.
U ffridde chjù non fasce
Jè dolge l’arie, è masce.

U Sande marenare
U sì pertate a Bare
Tu masce, e le barise,
Ca ’ngore u’honne mise,
’Nge fascene la feste
A masce, a masce neste.
--------------------
Da "Acquanne pozze... cande!" di Vito Antonio Di Cagno - Ed. G. & C. Resta, Bari 1951

NONÒNNE
di Vittorio Polito

Iére uagnongídde e stéve vecìne o brascíre
acchiàve nonònne chíne de penzíre
ca m’acchiamendàve sèmbe che tand’amóre
e che nu picche d’emozióne jind’o córe.

A chidde tímbe jinde a le càsere le mamme
crescèvene le figghie sènza dràmme
a la fatìche asselùte l’attàne se ne scèvene
e le nonònne le giornále lescèvene.

Jinde a tùtte le famìgghie de iósce
iè mbortànde de nonònne la vósce.
Che tande chenzìgglie chiàre e terciùte
lóre dónne la stràte a fìgghie e nepùte.

La famìgghie de iósce iè cangiàte,
megghíre e marìte sò scesciàte;
da le càsere se ne vònne fescènne
e a la fatìche la scernáte spènnene.

Acquànne la sére scabbuèscene
jinde a le càsere attùrne rezzuèscene.
Cìtte cìtte nesciùne u sàpe
ca tènene assá penzíre pe la càpe!

A le fìgghie l’aducazióne la dònne,
da la matìne a la sère, le nonònne.
Che tanda delgèzze e saggèzze
l’aiùdene a crèsce sènz’amarèzze.

A nonònne u serrìse de le nepùte
allàsse u córe de prísce e de vertùte,
e a le peccenìnne na dolgia carèzze
trasmètte amóre, affètte e securèzze.

Cange u munne e iè nu peccàte
acquànne jinde a la case non nge sta u fiàte
de nonònne c’agnéve u córe adásce adásce
d’amecìzie, de prísce e de tanda  pásce.

IL NONNO
di Vittorio Polito

Ero ragazzino e vicino al braciere
trovavo il nonno che pieno di pensieri
mi guardava sempre con tanto amore
e con un po’ d’emozione nel cuore.

A quei tempi nelle case le mamme
crescevano i figli senza drammi
al lavoro solo i padri se ne andavano
e i nonni i giornali leggevano.

In tutte le famiglie di oggi
è importante dei nonni la voce
che con consigli chiari e d’interesse
aprono la strada a figli e nipoti.

La famiglia di oggi è cambiata,
moglie e marito sono disordinati,
dalle case se ne vanno correndo
e in ufficio la giornata trascorrono.

Quando la sera smettono di lavorare
nella casa attorno girano e rigirano
e silenziosamente, nessuno lo sa,
hanno assai pensieri nella testa!

Ai figli l’educazione la danno
dal mattino alla sera i nonni
che con tanta dolcezza e saggezza
l’aiutano a crescere senza amarezze.

Ai nonni il sorriso dei nipoti
lascia il cuore pieno di virtù
e ai bambini una dolce carezza
trasmette amore, affetto e sicurezza.

Cambia il mondo ed è assai peccato quando
nella casa manca il conforto del nonno
che pian piano riempiva il cuore
d’amicizia, d’allegria e di tanta pace.
-----------------------------------------------------
Premio speciale del Coordinamento A.D.A. di Puglia in seno al Concorso “Il mio Cuore, la mia Terra, la mia Vita” IX Edizione 2013-2014, organizzato dalla U.I.L. Pensionati di Puglia “Bari – Bat – Foggia”.

LA MOTIVAZIONE

«Il Premio speciale del Coordinamento della A.D.A. (Associazione di volontariato per i Diritti degli Anziani), è stato assegnato a Vittorio Polito, giornalista e scrittore, per la poesia “Nonònne” «Perché con la sua poesia ‘Il Nonno’ ha evidenziato il valore delle persone anziane, risorsa e non peso, nel rapporto tra generazioni: genitori, figli, nipoti. Una poesia che va assolutamente assaporata nel vernacolo perché la traduzione in italiano non fa rivivere le stesse emozioni».

IDENTIKIT DEL BARESE

U Barèse iè cudde ca parle in dialètte
bève Peròne a canne e ialze u mignolètte
mange frutte de mare e allìve crute
e a Portofìne va vestùte alla nute.

U Barèse le rizze le serchièsce
e o restorànde le cozze spedecchièsce
u barèse av’avute tife e paratìfe
e pe la squadre de la Bare tife.

U Barèse mange sgagliòzze e nghiemerìdde
l’estàte succhie grattàte e mange fiche d’indie.
canosce bune Tote e Tàte
de le Battaglière ha viste tutte le pundàte
iè amànde de Ciarde e Salatìne
e pure la De Fane Marioline

U barèse se càle a Pane e Pemedòre
e pigghie u sole a tutte l’ore
parle tagliàne e disce: “all’una andiedi a letto”
“vado 80 chili”, “vado un’ora che t’aspetto”.

Pu barèse la piazza Prefettùre
iè u parchègge de le segnùre
e sop’o còfene de la tomòble
mange pizze e panzeròtte.

Mange strascenàte e cemederàpe,
piatte ca nessciune nge lève da ngape
dà sèmbe consigglie asàtte asàtte
e disce: “ma raccomànne, sotte sotte”

U barèse che la Gazzètte se fasce u parasòle
pe sci a vedì la Bare o stadie Sanda Necòle
alla tastìre du telèfene astèrische e cangellètte
pu barèse sò na stèdde e do virgolètte.

E pure ce la Bbare sta da tand'anne in sèrie Bì
e avonne abbressciàte u Petrezzìlle, na brutta dì
pure ce vonne sparànne a dèstre e a senistre
e le politege l’arròbbene da nanze e da drète
tutte le barìse condìnuene a candà:

Cudde de Bare iè u megghie paìse
non grèsce l’èrve ma stonne le barìse
sime le megghie du condinènde
e nge facime sta tarantèdde:
tocche ticch’è tocche
s’hanne matràte le vermecòcche
la chezzàle d’abbassce a case

le tène toste ma non l’attocche.
ce venìte a piazza Massàre
sta Nanucce che la chemmàre
ce vu sciate alla Vaddìse
stonne le uardie che la devìse,
pò sta la chièsie de Sanda Necòle
addò se vènnene le cime de cole
sta via Piccinne, sta via Sparàne
segnòre e segnùre che la borse m-mane,
sta u Grand’Itagglie, sta la Saicàffe
addò se mèttene le dritte e le loffe,
sta via Marcòne e la Fire du Levànde
sta Poggiofrànghe e u rione Japigge
addò s’assìde sèmbe Luigge,
in via Cappellucce iacchie a Lenucce
chedda ca fasce la varve o ciucce
e a corse Sicigglie addò sta Peppine
cu ciumme mbìtte e u panne nzìne,
e dirimbètte sta Ciccille
cudde ca de notte aggiuste le mbrille
po sta Vitìne u chembàggne de Rine
ca vonne nzìme a la case de Peppìne,
e pò sta Lucette che la schepètte
ca iè la nepòte de Rocchine e Mariètte
sta Sandamàte in via Manzone
ca veste a tutte segnòre e uagnòne,
stonne le topine, stonne le zaràffe
ca ce non paghe te pigghiene a sckaffe,
aggire daddò, aggire daddà
e madonne ce l’ha va fà
iacchie a Rosètte, iacchie a Fifì
e Madonne ce tènghe jì!!
Cudde de Bare iè u megghie paìse
non grèsce l’èrve ma stonne le barìse
sime le megghie du condinènde
e nge facime sta tarantèdde:
tocche ticch’è tocche
s’hanne matràte de vermecòcche
la chezzàle d’abbassce a case
le tène toste ma non l’attocche….